Pastilan Baking Tiguwang

Sama ka sa aswang 
nga baking tiguwang
wa kay ginabuhat
apan sigi kag pangawhat.

Kokak Koka Kokak
Imong tingog naga linog
Kokak Kokak Kokak
Ang tanan naga kahadlok

Apan ikaw baking tiguwang
wa kay nahibal-an
Kokak Kokak lng matag ting-ulan
samtang ang tanan nagakalisang.

Sa ako kang nadakpan, 
imong nawong murag gidabdaban
ni kokak kag kadaghan
apan akong nahibal-an
usa diay ka kadautan. 

Banana Shake

Sa pag-abot niya
ako natingala,
ngano na mitulok sya,
ug nipahiyum sa akoa.

Nilingkod sya sa akong atubangan,
nagadala gatas nga naa sa tasa
akong gikuha ang akong kutsara
ug akong gikutil and iyang tasa.

Samtang ako nagkutil sa iyang tasa,
nabatyagan ko ang iyang ginhawa
katam-is nga way sama
ug kaanindot nga wa ko damha.

Sa akong pagtungab sa ang iyang tasa,
iyang gidulaan ang akong kutsara,
nagakalipay ming duha
ug samtang naga-awas ang among gugma.

Ang tasa ug kutsara nangatumba
sa kalipay nga wa namo damha
mitindog ug milakat sya
ug nanghugas sa kusina.

Forever Love

Forvever Love
Ruel T. Bonganciso


Sa panahon sa kamingawon
ako nag-inusara sa pagsubay sa dalan
nga way katapusan.

Sa paglantaw naku sa unahan
nakita ka, naglakat ug nag-inusara
midagan ug milagas ako sa imung kiliran
ug akong gibati ang gugma nga way sama.

Nigunit ko sa imung kamot
ug ako kning gisimhot,
apan imung gikuha
ug sa akong mga mata gatu ang mga luha.

Ang kasakit nga akong gibati
sama sa usa ka pinuti
nitusok sa akong dughan
nga ang kasakit hilabihan.

Sa akong pagkahingawa
ikaw akong gipangutana
kung asa ka ug nganong nag inusara?
Ang pagbiya sa imung hinugma
ang imung giistorya.

Gi-asuy ko nimu ang akong naagian
sa akong paglakat sa dalan
nga ako usab biniyaan
sa akong gugmang gihalaran

Milingi ka sa hinay
ug ang akong mga kamot gikan sa luha kikuha
gipatindog mo ako sa way samang kalipay
ug ikaw akong nakita!

Ikaw ang babaye nga akong gihalaran

sa gugma nga way katapusan

karon ang langit di maka-pakgan

sa atung gugma nga way katapusan.